Yr Ardd Ddirgel
Wedi’i lleoli ar dir Sain Ffagan Amgueddfa Werin Cymru, mae’r Ardd Ddirgel yn cynnig cyfle unigryw i oedolion ag anableddau dysgu ac anghenion cymorth ychwanegol gysylltu â byd natur, archwilio hanes Ysgubor Fawr, a datblygu sgiliau bywyd gwerthfawr.
Mae'r prosiect hwn yn bosibl diolch i Gronfa Dreftadaeth y Loteri Genedlaethol.
Ynglŷn â phrosiect yr Ardd Ddirgel
Prosiect cydweithredol yw’r Ardd Ddirgel, sy’n cyfuno garddio ac ymchwil hanesyddol.
Gan weithio ochr yn ochr â gwirfoddolwyr cymunedol, Sain Ffagan Amgueddfa Werin Cymru, ac Archifau Morgannwg, mae ein gwirfoddolwyr yn adfer a chynnal yr ardd fwthyn hanesyddol ac yn datgelu hanesion hynod ddiddorol bwthyn Ysgubor Fawr a’i gyn-drigolion ar yr un pryd.
Mae ein gweithgareddau Sgiliau a Lles yn Yr Ardd Ddirgel yn rhad ac am ddim ac yn agored i bawb.
Camwch i fyd hanes a garddwriaeth
Hanes yn yr Ardd Ddirgel
Garddio yn yr Ardd Ddirgel
Gweithgareddau'r Ardd Ddirgel
Mae gweithgareddau’r Ardd Ddirgel yn cynnwys:
- Sesiynau garddio wythnosol wedi'u lleoli yn yr Ardd Ddirgel i ofalu am y safle a'i ddatblygu.
- Gwneud penderfyniadau am yr hyn sydd angen ei wneud yn yr ardd.
- Gweithgareddau natur a garddio untro yn yr Ardd Ddirgel neu yn Sain Ffagan Amgueddfa Werin Cymru.
- Gweithgareddau ymchwil hanesyddol wedi'i leoli yn Sain Ffagan Amgueddfa Werin Cymru ac Archifau Morgannwg i ddysgu am orffennol yr ardd.
- Cynllunio sesiynau i drefnu arddangosfa diwedd prosiect am orffennol yr ardd.
Elfennau allweddol
Sesiynau garddio grŵp
Helpwch ni i adfer a chynnal gardd hanesyddol hardd.
Gwirfoddoli gydag eraill i siapio dyfodol yr ardd wrth ddysgu technegau traddodiadol a gofalu am ardd fwthyn hanesyddol Ysgubor Fawr.
Ymchwil hanesyddol
Archwiliwch hanes cyfoethog bwthyn Ysgubor Fawr a'i erddi.
Archwiliwch archifau Sain Ffagan ac Archifau Morgannwg i ddatgelu hanes yr Ardd Ddirgel, bwthyn Ysgubor Fawr, a’r bobl oedd yn byw yno.
Cymuned a lles
Cwrdd â phobl newydd, gwneud ffrindiau, a chydweithio.
Cysylltu ag eraill, meithrin cyfeillgarwch, a magu hunan-barch ac ymdeimlad o gyflawniad trwy gyfrannu at brosiect cymunedol ystyrlon.
Adborth ar y prosiect
Y rheswm rwy'n mynd i'r Ardd Ddirgel yw tîm Innovate Trust, rwy'n meddwl eu bod yn dda iawn. Mae'r awyr iach [yn dda], rydyn ni'n plannu bylbiau yno a llysiau. Rwy'n cwrdd â phobl eraill fel fi ac mae'n fy nghael i allan o'r fflat.
Arianwyr prosiect
Gan ddefnyddio arian a godir gan chwaraewyr y Loteri Genedlaethol, mae Cronfa Treftadaeth y Loteri Genedlaethol yn cefnogi prosiectau sy’n cysylltu pobl a chymunedau â threftadaeth y DU.
Gwnaed Yr Ardd Ddirgel yn bosibl gan Gronfa Treftadaeth y Loteri Genedlaethol. Diolch i’r rhai sy’n chwarae’r Loteri Genedlaethol, rydym wedi gallu gweithio gydag oedolion ag anableddau dysgu ac anghenion ychwanegol eraill i archwilio hanes cyfoethog bwthyn Ysgubor Fawr a meithrin yr ardd.
