Adfer Afon Ddawan
Mae Adfer Afon Ddawan yn brosiect a gynhelir gan Innovate Trust mewn partneriaeth â Thîm Cefn Gwlad Bro Morgannwg a Phrosiect Tirwedd Adfer Afon Ddawan.
Mae'r prosiect yn cefnogi oedolion ag anableddau dysgu i gymryd rhan mewn gwaith gwella amgylcheddol yn nalgylch Afon Ddawan.
Mae'r prosiect wedi'i ariannu gan Gronfa Bioamrywiaeth Dŵr Cymru.
Ynglŷn ag Adfer Afon Ddawan
Rydym yn gweithio law yn llaw â Thîm Cefn Gwlad Bro Morgannwg a Phrosiect Tirwedd Adfer Afon Ddawan i wella'r bioamrywiaeth ar hyd Afon Ddawan ym Mro Morgannwg a Rhondda Cynon Taf.
Mae tarddiad Afon Ddawan yn Llanhari, ac mae’n llifo trwy Ddyffryn Morgannwg a'r Bont-faen, gan gyrraedd Sianel Bryste ger Aberddawan.
Mae gweithgareddau Adfer Afon Ddawan yn rhad ac am ddim yn bennaf!
Rydym yn annog unrhyw un i roi cynnig ar y prosiect - ni waeth beth fo'ch profiad blaenorol na'ch anghenion cymorth.
Cysylltwch â'n tîm Sgiliau a Lles i gael rhagor o wybodaeth.
Elfennau'r prosiect
Gweithgareddau’r prosiect
Mae gweithgareddau’r prosiect yn cynnwys, ond heb fod yn gyfyngedig i:
- Plannu coed a gwrychoedd
- Hau hadau blodau gwyllt a glaswellt
- Adeiladu cynefinoedd ar gyfer bywyd gwyllt lleol fel dyfrgwn a gwiberod
- Creu pyllau
- Plannu glaswellt i helpu i sefydlogi twyni tywod
- Cynnal arolygon bywyd gwyllt
- Monitro bywyd planhigion
Pam ymuno ag Adfer Afon Ddawan?
Drwy ymuno ag Adfer Afon Ddawan byddwch yn:
- Dysgu am natur, cadwraeth a bywyd gwyllt
- Dysgu sut i ddefnyddio offer
- Cwrdd â phobl newydd
- Gwella eich ffitrwydd
- Helpu natur
Rhagor o brosiectau Sgiliau a Lles
Arianwyr prosiect
