Mae'r prosiect hwn wedi dod i ben.
Porthkerry Park Project
Prosiect amgylcheddol yw Prosiect Parc Porthceri, sy’n cael ei gynnal gan Innovate Trust ac fe’i ariennir gan y Waterloo Foundation..
Mae ein Prosiect Parc Porthceri yn cefnogi oedolion ag anableddau dysgu ac anghenion cymorth ychwanegol i gymryd rhan mewn gweithgareddau amgylcheddol ym Mharc Gwledig Porthceri.
Ynglŷn â’n Prosiect Parc Porthceri
Mae Prosiect Parc Porthceri yn fenter sy'n dod â natur, cymuned a lles ynghyd.
Mae’r prosiect yn cynnig cyfleoedd i bobl ag anableddau dysgu ac anghenion cymorth ychwanegol gysylltu â byd natur, datblygu sgiliau newydd, a mwynhau’r awyr agored mewn amgylchedd cefnogol a chynhwysol.
Mae gwirfoddolwyr Prosiect Parc Porthceri yn gweithio ochr yn ochr â Cheidwaid Cymunedol Bro Morgannwg i wneud gwaith gwella amgylcheddol pwysig ledled y parc.
Barod i gysylltu â natur?
Cysylltwch â'n tîm Sgiliau a Lles i ddysgu mwy a chychwyn ar eich siwrne gyda Phrosiect Parc Porthceri.
Elfennau allweddol
Cadwraeth ymarferol
Cewch ddysgu sgiliau gwerthfawr fel plannu coed, clirio nentydd, a chael gwared ar rywogaethau ymledol.
Cewch gymryd rhan mewn gwaith cadwraeth ymarferol, gan helpu i ddiogelu a chadw amgylchedd naturiol Parc Gwledig Porthceri.
Addysg amgylcheddol
Cewch ddarganfod rhyfeddodau byd natur trwy weithdai a gweithgareddau diddorol.
Rydym yn helpu pobl i fwynhau a gwerthfawrogi byd natur. Mae ein gwirfoddolwyr Prosiect Parc Porthceri yn dysgu sut i fod yn gyfrifol am yr amgylchedd.
Cymuned a lles
Cewch gysylltu â phobl o'r un anian, gwella'ch iechyd corfforol a meddyliol, a rhoi hwb i'ch hyder!
Mae ein gweithgareddau wedi'u cynllunio i hybu annibyniaeth, hunan-barch a hyder.
Gweithgareddau Prosiect Parc Porthceri
Mae gweithgareddau’r prosiect yn cynnwys, ond heb fod yn gyfyngedig i:
- Cribinio gwair techneg rheoli glaswelltir traddodiadol i hyrwyddo bioamrywiaeth.
- Plannu a gofalu am goed: plannu coed a llwyni newydd, a chynnal y rhai presennol
- Clirio nentydd cael gwared ar lanast a rhywogaethau ymledol i wella ansawdd dŵr a chynefinoedd ar gyfer bywyd gwyllt
- Casglu sbwriel cadw’r parc yn lân ac yn daclus i bawb ei fwynhau
- Cael gwared ar rywogaethau ymledol rheoli lledaeniad planhigion anfrodorol sy'n bygwth ecosystemau lleol
- Monitro bywyd gwyllt arsylwi a chofnodi bywyd gwyllt lleol, gan gyfrannu at ddata cadwraeth gwerthfawr.
Adborth ar y prosiect
Doeddwn i ddim yn gwybod sut i wneud pethau fel defnyddio tŵls cyn ymuno â Phrosiect Parc Porthceri.
Rydw i wedi magu hyder trwy ddysgu’r pethau hynny. Dydw i ddim eisiau i hyn ddod i ben.
Rwyf am i hyn wella fy hyder hyd yn oed yn fwy ac efallai hyd yn oed gallwn fod yn arddwr iawn.
Arianwyr prosiect
