Insight app
Insight yw ap cymunedol rhad ac am ddim Innovate Trust ar gyfer oedolion ag anableddau ac anghenion cymorth ychwanegol ledled y Deyrnas Unedig.
Wedi’i ddatblygu gan Innovate Trust, mae ap Insight wedi’i gynllunio i fod yn gymuned ar-lein gefnogol a hygyrch i oedolion sydd ag anghenion ychwanegol.
Ynglŷn ag ap Insight
Ein cenhadaeth yw hyrwyddo cynhwysiant digidol a mynd i’r afael ag unigrwydd cymdeithasol.
Mae ap Insight yn cynnig dewis arall yn lle cyfryngau cymdeithasol prif ffrwd trwy feithrin ymdeimlad cryf o gymuned.
Mae Insight wedi'i gynllunio ar gyfer oedolion ag anableddau dysgu ac anghenion cymorth ychwanegol sy'n chwilio am gymuned ar-lein weithgar a chefnogol.
Mae'r ap yn darparu gofod ar-lein ar gyfer cysylltu â ffrindiau, cymryd rhan mewn gweithgareddau, a dod o hyd i gyfleoedd gwirfoddoli.
Dewch o hyd i'ch gymuned
Trwy ymuno ag ap Insight, gall oedolion ag anableddau dysgu ac anghenion cymorth ychwanegol rannu diweddariadau bywyd a lluniau a meithrin cyfeillgarwch parhaol o fewn cymuned ar-lein gefnogol.
Gall cymuned gefnogol wella lles meddwl yn sylweddol.
Mae ap Insight yn cynnig amgylchedd hygyrch a chroesawgar i’w holl aelodau.
Mae Insight yn cynnal dros 80 o weithgareddau ar-lein ac wyneb yn wyneb, ac mae llawer o ddigwyddiadau byw yn cael eu cynnal gan aelodau ap Insight.
Trefnwch i gael demo o'n ap Insight
Mae ap Insight wedi'i gynllunio gan ystyried bod yn hawdd i’w ddefnyddio a bod yn hygyrch. Fodd bynnag, rydym yn gwybod bod pob person yn unigryw.
Gallwch chi drefnu demo gyda'n tîm Insight i ddysgu mwy am yr ap a'i nodweddion!
Darganfod gweithgareddau cyffrous
Gallwch ymuno â, neu gynnal, digwyddiadau ar-lein ac wyneb yn wyneb, gwneud ffrindiau newydd, a chysylltu â hen ffrindiau.
Gallwch bori dros 80 o ddigwyddiadau wythnosol, ar-lein ac wyneb yn wyneb, ac mae amrywiaeth o weithgareddau i'w harchwilio, gan gynnwys:
- Cyfarfodydd cymdeithasol a chwrdd wyneb yn wyneb
- Gweithdai a gweithgareddau creadigol
- Anturiaethau awyr agored a digwyddiadau chwaraeon
- Cyfleoedd gwirfoddoli
- Gemau a chwisiau ar-lein
- Grwpiau trafod a fforymau
- Gweithgareddau ymlacio a yoga
- Nosweithiau disgo
Aelodau sy'n arwain y ffordd
Ers ei lansio yn 2020, mae Insight wedi dod yn ofod cymdeithasol i dros 2000 o aelodau i rannu straeon, gwneud ffrindiau, a chael eu cynnwys yn ddigidol mewn amgylchedd hygyrch a chyfeillgar.
Mae Insight yn darparu amrywiaeth o weithgareddau ar-lein ac wyneb yn wyneb, 7 diwrnod yr wythnos, ac mae llawer o ddigwyddiadau byw yn cael eu cynnal gan aelodau ap Insight.
Mae ein tîm Insight, dan arweiniad cyfoedion, yn gyfrifol am gynnal llawer o ddigwyddiadau a gweithgareddau Insight a siapio dyfodol yr ap.
Sefydliadau ar ap Insight
Dychmygwch gymuned ar-lein ffyniannus lle mae'ch aelodau wedi'u cysylltu a'u grymuso.
Man lle gallant gymryd rhan yn hawdd mewn gweithgareddau, cysylltu â chyfoedion, a meithrin perthnasoedd ystyrlon.
Dyna yw pŵer Insight.
Gall llwyfannau cyfryngau cymdeithasol prif ffrwd gyflwyno heriau, ond mae Insight yn cynnig amgylchedd sydd wedi'i gynllunio'n benodol ar gyfer cysylltu ac ymgysylltu.
Gyda rhwydwaith cynyddol o sefydliadau eisoes yn defnyddio'r ap Insight i gynnal digwyddiadau a meithrin cysylltiadau, Insight yw'r llwyfan ar gyfer ymgysylltu â'ch cymuned.
Ydych chi’n barod i adeiladu cymuned gryfach?
Hyb Gwirfoddoli Insight
Mae ap Insight nid yn unig ar gyfer cysylltu â ffrindiau - mae hefyd yn ganolbwynt i chi ar gyfer dod o hyd i gyfleoedd gwirfoddoli gwerth chweil!
Mae Hyb Gwirfoddoli Innovate Trust yn nodwedd ar ap Insight a ddatblygwyd gan, ac ar gyfer, oedolion ag anableddau dysgu.
Mae’r Hyb Gwirfoddoli yn ei gwneud hi’n haws nag erioed i ddod o hyd i gyfleoedd gwirfoddoli ystyrlon, a chymryd rhan ynddyn nhw.
Mae ein prosiect Hyb Gwirfoddoli yn bosibl diolch i gyllid Grant Strategol CGGC .
Beth yw'r Hyb Gwirfoddoli?
Ein cenhadaeth yw gwneud gwirfoddoli yn hygyrch, yn bleserus ac yn werth chweil i bawb.
Cwestiynau cyffredin Insight
Faint mae Insight yn ei gostio?
Mae ein ap Insight yn am ddim i'w ddefnyddio, am byth!
Sut alla i lawrlwytho ap Insight?
Mae'r ap ar gael ar ddyfeisiau Android ac iOS.
Gallwch ddod o hyd i'r ap Insight trwy chwilio am'Insight by Innovate Trust'ar eich siop apiau.
Pwy all ymuno ag ap Insight?
Caiff unrhyw un ag anabledd neu anghenion cymorth ychwanegol ymuno â'r ap Insight.
Cyn ymuno, mae angen i gyfrifon gael eu cymeradwyo gan aelod o'n tîm Insight.
Cysylltwch â'n tîm Insight i gychwyn eich siwrne.
A yw sefydliadau’n cael ymuno ag ap Insight?
Yes, Ydynt, rydym yn croesawu sefydliadau i ymuno ag Insight.
Trwy ymuno ag ap Insight, rhaid i sefydliadau ymrwymo i rannu eu cyfleoedd ag aelodau ap Insight.
Cysylltwch â'n tîm Insight i ddechrau rhannu eich cyfleoedd.
Beth alla i ei wneud ar Insight?
Gall aelodau ddewis ymuno ag unrhyw un o'r grwpiau sy'n cyfateb i'w diddordebau.
Gallwch hefyd gwrdd â ffrindiau newydd, cymryd rhan mewn profiadau newydd a datblygu sgiliau newydd.
Mae dros 80 o weithgareddau ar-lein ac wyneb yn wyneb i ymuno â nhw bob wythnos.
Mae cymaint i'w archwilio.
Sut alla i ymuno â'r ap Insight?
Mae'r ap yn am ddim i oedolion ag anabledd dysgu yn y Deyrnas Unedig.
Rydym hefyd yn croesawu sefydliadau i ymuno â’r ap gydag adnoddau, digwyddiadau a gweithgareddau y gallan nhw eu rhannu sydd o fudd i’n haelodau.
I ddechrau eich siwrne ar Insight, cysylltwch â'n tîm Insight neu gallwch drefnu demo.
Pam defnyddio Insight?
Mae gan yr ap Insight lawer o fanteision, gan gynnwys:
- Llai o unigrwydd cymdeithasol: cysylltu aelodau â chymuned gefnogol o gyfoedion, lleihau teimladau o unigrwydd ac arwahanrwydd.
- Sgiliau cymdeithasol uwch: darparu cyfleoedd i ymarfer sgiliau cymdeithasol mewn amgylchedd diogel a rheoledig.
- Mwy o annibyniaeth: grymuso aelodau i gysylltu ag eraill a chael gafael ar wybodaeth yn annibynnol, gan hybu mwy o ymreolaeth.
- Mynediad at gefnogaeth ac adnoddau: gall aelodau gael mynediad hawdd at wybodaeth, adnoddau, a chymorth gan Innovate Trust a sefydliadau eraill trwy ap Insight.
- Cyfleoedd ar gyfer twf personol: trwy weithgareddau ar-lein ac wyneb yn wyneb, gall aelodau ddatblygu sgiliau newydd, archwilio eu diddordebau, a magu hyder.
- Mynediad hawdd at wirfoddoli: mae Hyb Gwirfoddoli ap Insight yn ei gwneud yn hawdd dod o hyd i gyfleoedd gwirfoddoli lleol a chymryd rhan ynddyn nhw, gan hyrwyddo cyfranogiad cymunedol a datblygiad personol.
Ymunwch ag Insight app!
A oes gennych chi anabledd dysgu neu anghenion cymorth ychwanegol?
Ydych chi'n adnabod rhywun a fyddai’n elwa o fod ar ap Insight?
Ein tîm Insight yw'r bobl orau i gefnogi'ch cofrestriad!
