Hwylio hygyrch Sailing
Mae ein sesiynau hwylio hygyrch yn weithgaredd poblogaidd ym Mae Caerdydd. Mae sesiynau'n cael eu defnyddio’n bennaf gan bobl y mae Innovate Trust yn eu cefnogi yng Nghaerdydd, Bro Morgannwg a Rhondda Cynon Taf.
Diolch i’n partneriaeth gydag Awdurdod Harbwr Caerdydd, mae ein sesiynau hwylio hygyrch yn cael eu cynnal bob blwyddyn trwy’r gwanwyn tan ddiwedd yr haf.
Ynglŷn ag Hwylio hygyrch
Gyda sesiynau’n rhedeg bob dydd Mercher drwy gydol y gwanwyn a’r haf, mae ein hwylio hygyrch yn dysgu rhai o hanfodion hwylio ein cychod i gyfranogwyr, mewn ffordd ddiogel, sefydlog, ac sy’n berffaith i ddechreuwyr!
Mae digon o fywyd gwyllt o gwmpas yr afon ac ynddi hi i bobl ei werthfawrogi, ac mae’n gyfle hefyd i weld Caerdydd o safbwynt gwahanol.
Mae gennym offer hoist codi â llaw ar y pontŵn, sy'n caniatáu i ddefnyddwyr cadeiriau olwyn fwynhau'r gweithgaredd.
Yn ogystal â hyn, rydym hefyd yn gweithio gyda Sense i gynnig cyfleoedd i bobl ag amhariadau mwy cymhleth.
Mae'r rhan fwyaf o bobl sy'n defnyddio ein sesiynau hwylio hygyrch yn unigolion sy'n defnyddio cadeiriau olwyn ac sydd ag anghenion mwy cymhleth.
Mae rhai pobl yn mwynhau'r elfen synhwyraidd, tra bod eraill yn awyddus i ddatblygu eu sgiliau hwylio bob wythnos.
Ymunwch â ni
Mae ein sesiynau yn aml yn llawn, felly gwnewch yn siŵr eich bod yn cadw eich lle’n gynnar.
Cysylltwch â'n tîm Cyfranogi i ddysgu mwy ac i gadw eich lle.
Diolch yn fawr
Ni allem gynnal ein sesiynau hwylio hygyrch heb gefnogaeth gan ein gwirfoddolwyr anhygoel.
Mae eu hymroddiad a'u hymrwymiad i wneud amgylchedd croesawgar a chynhwysol yn gwneud byd o wahaniaeth.
Rhagor o weithgareddau cyfranogi
Newyddion diweddaraf
Clywch y straeon a diweddariadau diweddaraf gan y tîm Cyfranogi yn Innovate Trust.
