Ffyrdd o bleidleisio
Hawdd ei Ddeall gan Innovate Trust
Mae yna 3 ffordd y gallwch bleidleisio mewn etholiadau.
1. Pleidleisio drwy’r post cyn diwrnod etholiad.
2. Pleidleisio’n bersonol ar ddiwrnod etholiad.
3. Pleidleisio drwy ddirprwy ar ddiwrnod etholiad.
Cofwich:
Mae’n rhaid i chi fod ar y gofrestr etholiadol os ydych chi am bleidleisio!
Pleidleisio drwy’r post
Mae’n well gan lawer o bobl bleidleisio drwy’r post.
Mae’n golygu y gallwch chi ymlacio ychydig mwy a gwneud pethau yn y ffordd eich siwtio chi orau.
Mae’n golygu y gallwch ofyn am yr help sydd ei angen arnoch i lenwi’r papur pleidleisio gartref.
Cysylltwch â’ch cyngor ychydig wythnosau cyn yr etholiad i ofyn am bleidlais bost.
Fe wnân nhw anfon ffurflen i chi ei llofnodi a’i hanfon yn ôl iddyn nhw.
Pan fydd diwrnod etholiad yn nesáu, fe fyddan nhw’n anfon pecyn pleidleisio ichi.
Mae hwn yn cynnwys gwybodaeth am beth mae’n rhaid ichi ei wneud nesaf.
Unwaith byddwch wedi llenwi’r papur pleidleisio a’r ffurflenni eraill, rhaid ichi ei anfon yn ôl i’r cyngor.
Cofiwch ei anfon yn ôl mewn da bryd cyn diwrnod yr etholiad.
Pleidleisio yn yr orsaf bleidleisio
Mae llawer o bobl yn hoffi pleidleisio yn bersonol yn yr orsaf bleidleisio ar ddiwrnod yr etholiad.
Ychydig ddyddiau cyn yr etholiad, fe gewch chi gerdyn pleidleisio.
Mae hwn yn cynnwys cyfeiriad ac oriau agor eich gorsaf bleidleisio.
Mae’r cerdyn hefyd yn eich atgoffa o ddiwrnod yr etholiad a pha fath o etholiad yw ef.
Ar ddiwrnod yr etholiad, ewch i’r orsaf bleidleisio.
Gallwch ddangos eich cerdyn pleidleisio neu ddweud eich enw a chyfeiriad wrth staff yr orsaf bleidleisio.
Fe wnân nhw wirio eich prawf adnabod ffotograffig.
Byddan nhw’n rhoi’r papur pleidleisio ichi ac yn egluro sut i’w lenwi.
Bydd angen ichi fynd i fwth pleidleisio i’w gwblhau gan fod hwn yn fater preifat.
Cofiwch, does gan neb arall hawl gwybod dros bwy rydych chi’n pleidleisio.
Ar ôl ichi ei lenwi, plygwch y papur a’i roi yn y blwch pleidleisio wrth ymyl y staff pleidleisio.
Pleidlais drwy ddirprwy
Pleidlais drwy ddirprwy yw pan fyddwch yn gofyn i rywun rydych chi’n eu trystio’n arw i fynd i’r orsaf bleidleisio ar eich rhan ar ddiwrnod etholiad.
Mae’n rhaid ichi gysylltu â’ch cyngor i gael ffurflen arbennig ychydig wythnosau cyn y diwrnod etholiad.
Fe fyddan nhw’n anfon mwy o wybodaeth i chi a’ch dirprwy ar beth i’w wneud nesaf.
