Pleidleisio a gwneud eich penderfyniadau eich hunan
Hawdd ei Ddeall gan Innovate Trust
Mae angen i’n lleisiau ni oll gael eu clywed.
Mae hynny’n dda i’n lles ni.
Mae cael ein lleisiau wedi’u clywed hefyd yn helpu ein cymunedau.
Mae syniadau gwahanol yn helpu i wneud pethau’n well i bawb.
Dyma fwy o wybodaeth am bleidleisio a chymryd rhan yn y ffordd mae ein cymunedau’n gweithio.
Mae yna ddolenni i fideos a mwy o dudalennau Hawdd ei Deall.
Rydyn ni’n byw mewn democratiaeth.
Mae hynny’n golygu bod ein pleidlais yn helpu i benderfynu sut caiff ein gwlad ei rhedeg.
Mae gennych chi hawl i bleidleisio os ydych chi’n ddinesydd Prydain neu’n ddinesydd rhai gwledydd eraill.
Weithiau, mae pobl sydd ag anabledd dysgu wedi methu â chael pleidleisio, ond dydy hynny ddim yn iawn.
Mae gennych chi hawl i bleidleisio.
Penderfyniad yw pleidleisio.
Nid yw bod ag anabledd yn eich stopio rhag penderfynu pethau.
Felly pam mae hi’n bwysig pleidleisio?
Meddyliwch amdanoch chi’ch hun.
Chi yw’r arbenigydd ar y ffordd rydych chi eisiau byw eich bywyd.
Chi ddylai wneud y penderfyniadau am yr hyn sydd orau i’ch lles chi.
Yng Nghymru mae yna gyfraith sy’n dweud mai chi yw’r person gorau i wybod sut rydych eisiau byw a chael eich cefnogi.
Mae pleidleisio yn ffordd arall o wneud penderfyniadau am eich syniadau a’ch credoau.
Mae hefyd yn ffordd bwysig o helpu i wneud eich cymunedau yn well.
Mae pleidleisio mewn etholiadau wedi helpu i wneud yr holl gyfreithiau sy’n rhoi hawliau cyfartal i ni.
Mae’r Ddeddf Hawliau Dynol yn gyfraith sy’n rhoi’r hawl i ni gael tegwch, cydraddoldeb, urddas a pharch yn ein bywydau.
Mae’r Ddeddf Cydraddoldeb yn ei gwneud yn erbyn y gyfraith i wahaniaethu yn y gwaith, mewn siopau, ac mewn llefydd eraill.
Mae’r gyfraith hon yn golygu bod rhaid rhoi isafswm cyflog sylfaenol i bob gweithiwr.
Mae wedi helpu pobl gydag anableddau gael yr arian maen nhw’n ei haeddu am y gwaith maen nhw’n ei wneud
Mae rhai pobl yn poeni am bleidleisio mewn etholiadau.
Gallai hyn fod am nifer o resymau.
Dywedir wrth rhai pobl na ddylen nhw bleidleisio oherwydd bod ganddyn nhw anabledd.
Dydy hyn ddim yn wir, mae pleidleisio i bawb.
Mae pleidleisio’n gweithio orau pan fo pawb yn y gymuned yn pleidleisio.
Mae hyn yn golygu gall lleisiau pawb gael eu clywed ynghylch pethau sy’n bwysig iddyn nhw.
Mae rhai pobl yn peidio â phleidleisio oherwydd eu bod yn meddwl nad ydyn nhw’n gwybod digon am wleidyddiaeth.
Does dim angen ichi wybod llawer am wleidyddiaeth i bleidleisio.
Meddyliwch am yr hyn sy’n bwysig i chi a’ch bywyd.
Meddyliwch am yr hyn sy’n bwysig i’ch ffrindiau, teulu a’r ardal lle rydych chi’n byw.
Nawr gallwch ddarganfod pa bleidiau gwleidyddol allai eich helpu.
Gallwch ddysgu mwy am beth mae pleidiau gwleidyddol yn credu ynddo drwy fynd i’r llyfrgell neu edrych ar-lein.
Gallwch ddysgu mwy am bleidiau gwleidyddol drwy edrych ar ein hadnodd Hawdd Ei Ddeall o’r enwY prif bleidiau gwleidyddol yn y Deyrnas Unedig’.
Siaradwch am y pethau hyn gyda’ch ffrindiau.
Gallwch ddysgu mwy gyda’ch gilydd.
Gallwch gysylltu â’ch cynghorydd neu AS lleol i ofyn cwestiynau iddyn nhw.
Maen nhw yno i’ch helpu chi.
Cofwich:
- Eich Pleidlais
- Eich Llais
- Eich Hawliau
