Governments and councils
Hawdd ei Ddeall gan Innovate Trust
Mae angen i’n lleisiau ni oll gael eu clywed.
Mae hynny’n dda i’n lles ni.
Mae cael ein lleisiau wedi’u clywed hefyd yn helpu ein cymunedau.
Mae syniadau gwahanol yn helpu i wneud pethau’n well i bawb.
Dyma fwy o wybodaeth am bleidleisio a chymryd rhan yn y ffordd mae ein cymunedau’n gweithio.
Mae yna ddolenni i fideos a mwy o dudalennau Hawdd ei Deall.
Rydyn ni’n byw mewn democratiaeth.
Mae hynny’n golygu bod ein pleidlais yn helpu i benderfynu sut caiff ein gwlad ei rhedeg.
Rydyn ni’n pleidleisio mewn gwahanol fathau o etholiadau i benderfynu sut mae ein gwlad a’n hardaloedd lleol ni’n cael eu rhedeg.
Mewn Etholiad Cyffredinol rydyn ni’n pleidleisio dros Aelodau Seneddol (AS) i gynrychioli’r ffordd rydyn ni eisiau i’r Deyrnas Unedig gael ei rhedeg.
Mae’r enillydd ym mhob ardal (etholaeth) yn ymuno ag ASau eraill yn Nhŷ’r Cyffredin yn Llundain.
Nhw sy’n penderfynu sut i wario arian a gwneud cyfreithiau newydd i redeg y Deyrnas Unedig.
Mewn etholiadau ar gyfer rhannau llai (wedi eu datganoli) o’r Deyrnas Unedig mae pobl hefyd yn pleidleisio dros bobl i redeg y wlad maen nhw’n byw ynddi.
Yn yr Alban, mae pobl yn pleidleisio dros Aelodau o Senedd yr Alban (Member of Scottish Parliament neu MSP) yng Nghaeredin.
Yng Ngogledd Iwerddon mae pobl yn pleidleisio dros aelodau o Gynulliad Gogledd Iwerddon yn Belfast.
Yng Nghymru, mae pobl yn pleidleisio dros Aelodau’r Senedd (AS) yng Nghaerdydd.
Yr aelodau hyn sy’n penderfynu sut i wario arian a gwneud cyfreithiau ar gyfer eu gwlad eu hunain yn unig
Mewn etholiadau cyngor, mae pobl yn pleidleisio i ddewis pobl i’w cynrychioli yn eu cymunedau lleol.
Gallai hyn fod ar gyfer cyngor sir, dinas, neu dref.
Cynghorau sy’n dewis sut i wario arian yn eich ardal leol ar ysgolion, parciau, ffyrdd, llyfrgelloedd a gofal cymdeithasol.
Mae canllaw hawdd ei ddeall ar gael ar gyfer Senedd Yr Alban drwy ffonio
