Cwestiynau cyffredin
Rydym yn deall y gall ceisiadau gyrfa fod yn broses gyffrous ac weithiau llethol.
Er mwyn ei gwneud yn haws i chi, rydym wedi llunio rhestr o gwestiynau cyffredin i roi'r wybodaeth sydd ei hangen arnoch i lywio eich taith cyflogaeth gydag Innovate Trust.
Nod y dudalen hon yw mynd i'r afael â'r cwestiynau mwyaf cyffredin er mwyn sicrhau bod gennych ddealltwriaeth glir o'n proses cyflogi.
Os hoffech ddysgu mwy amdanom ni fel sefydliad, gallwch ddod o hyd i wybodaeth ar ein tudalen amdanom ni.
Tips
Sut mae gwneud cais?
Edrychwch ar ein swyddi gwag a dewiswch y swydd sydd fwyaf addas i chi.
Sut byddaf yn cael gwybod am ganlyniad fy nghais?
Ymatebir i bob cais trwy e-bost o fewn 5 diwrnod gwaith i'r dyddiad cau.
Gwiriwch eich ffolder sothach neu cysylltwch â'n tîm recriwtio os nad ydych wedi clywed dim erbyn hynny.
Nid oes gennyf unrhyw brofiad Gweithiwr Cymorth, a allaf wneud cais er hynny?
Gallwch! Rydym yn annog pawb sydd ag angerdd am gefnogaeth a gofal i wneud cais.
Nid wyf yn gyrru, a allaf wneud cais er hynny?
Cyn belled nad yw'r swydd yn gofyn am brofiad gyrru gallwch wneud cais am unrhyw rôl.
Mae gennyf bwyntiau ar fy nhrwydded, a fydd hyn yn effeithio ar fy nghais?
Pan fyddwn yn dod ar draws pwyntiau wrth wneud gwiriad gyrrwr byddwn yn nodi hyn.
Os yw'n drosedd ddifrifol fel gyrru dan ddylanwad, yna bydd angen i ni gwblhau asesiad risg gyda chi. Mae p'un a yw hyn yn effeithio ar eich cynnig cyflogaeth amodol yn dibynnu ar natur y drosedd a'r asesiad risg.
Cyfweliad
Sut byddaf yn gwybod os ydw i wedi cyrraedd y rhestr fer?
Os cewch eich rhoi ar y rhestr fer yn llwyddiannus, anfonir gwahoddiad calendr atoch gyda'r ddolen i gael mynediad i'r cyfweliad.
Derbyniwch y gwahoddiad calendr os gallwch chi fynychu.
Sut mae Innovate Trust yn cyfweld?
Cynhelir ein cyfweliadau ar Zoom neu Microsoft Teams.
Ar yr amser a'r dyddiad a drefnwyd ar gyfer eich cyfweliad bydd angen i chi glicio ar y ddolen a ddarperir yn y gwahoddiad.
Pa mor hir yw cyfweliadau Innovate Trust?
Yn dibynnu ar y swydd yr ydych yn gwneud cais amdani, gall fformat y cyfweliad fod yn wahanol. Anaml y bydd ein cyfweliadau yn mynd dros awr.
Mae rhai cyfweliadau yn gofyn am gyflwyniad neu dasg i'w chwblhau, efallai y bydd gan gyfweliadau eraill bobl rydym yn eu cefnogi ar y panel a phanel ffurfiol. Bydd yr holl wybodaeth i’w weld o fewn yr e-bost gwahoddiad.
Os byddaf yn aflwyddiannus, a allaf gael adborth?
Os hoffech gael adborth ar eich cais neu gyfweliad, cysylltwch ag aelod o’r tîm recriwtio neu ein panel cyfweld.
Os ydych yn gwneud cais yn fewnol, rydym hefyd yn argymell eich bod yn siarad â'ch Rheolwr Llinell i weld a oes ffyrdd y gallan nhw eich cefnogi i ddatblygu, pe baech yn dymuno gwneud cais am swyddi gwag eraill yn y dyfodol.
Gwiriadau cyn cyflogaeth checks
Beth yw gwiriadau cyn cyflogaeth?
Mae'n amrywio yn ôl gwahanol rolau.
Yn gyffredinol, mae ein swyddi gwag yn gofyn am wiriad Manwl y Gwasanaeth Datgelu a Gwahardd (gyda gwiriad rhestr Gwahardd Oedolion), gwiriad hawl i weithio, gwiriad iechyd cyn cyflogaeth, llenwi ffurflenni cychwynnol (a anfonir i chi drwy'r post), ac o leiaf dau eirda boddhaol (bydd y geirdaon sydd eu hangen yn dibynnu ar eich hanes cyflogaeth).
Rhaid cwblhau pob gwiriad yn foddhaol cyn cynnig dyddiad dechrau.
Pa mor hir mae gwiriad DBS yn ei gymryd?
Fel arfer caiff gwiriadau DBS eu prosesu o fewn 8 wythnos, fodd bynnag, caiff rhai eu dychwelyd yn gyflymach nag eraill ac ni allwn ragweld pa mor hir y bydd gwiriadau DBS yn ei gymryd.
Byddwch yn ymwybodol mai atoch chi mae eich tystysgrif DBS yn cael ei hanfon, nid ydym ni’n derbyn copi.
Bydd angen i chi ddarparu'r dystysgrif wreiddiol i ni ei dilysu, byddwn yn gwneud copi ac yn dychwelyd y gwreiddiol atoch. Cadwch hi’n ddiogel, bydd ei hangen arnoch i gofrestru gyda Gofal Cymdeithasol Cymru.
A fydd bod â throseddau wedi’u cofnodi’n fy atal rhag cael y swydd?
Gwneir penderfyniadau ar sail unigol ac rydym yn ystyried natur y troseddau, pa mor bell yn ôl oedden nhw, eich amgylchiadau bryd hynny ac a wnaethoch eu datgelu o'r cychwyn cyntaf (cais a chyfweliad).
Mae gan rai o’n gweithwyr presennol gofnodion troseddol, ac rydym yn cydnabod bod pobl weithiau’n gwneud penderfyniadau gwael, neu mewn sefyllfa wael, ond nid yw hynny’n eu gwneud yn berson drwg.
Am ragor o wybodaeth, gweler ein datganiad polisi ar recriwtio cyn-droseddwyr.
Beth yw Asesiad Iechyd Gwaith?
Mae asesiad iechyd gwaith yn helpu i nodi cyflyrau iechyd a chymorth yn ystod camau cynnar eich cyflogaeth.
Mae hyn yn golygu y gellir gwneud addasiadau priodol i'ch cefnogi yn y gweithle.
Mae hefyd yn sicrhau amddiffyniad rhag unrhyw risgiau y gall eich cyflwr eu hachosi yng nghyd-destun eich cyflogaeth newydd yn Innovate Trust.
A allaf weithio neu ddechrau hyfforddi heb eirdaon?
Na, bydd angen i ni weld pob geirda cyn y gallwch ddechrau gweithio neu hyfforddiant.
Daw geirdaon yn ôl mor gyflym ag y bydd y canolwr yn eu hanfon yn ôl.
Os bydd amser yn mynd yn ei flaen ac nad ydym wedi clywed ganddyn nhw, bydd aelod o'n tîm Recriwtio yn cysylltu â'r cwmni neu'r unigolyn i roi gwybod iddyn nhw ein bod yn dal i aros a bod hyn yn gohirio eich cais.
I bwy y gallaf ofyn i roi geirda cymeriad?
Gall athrawon, darlithwyr, arweinwyr grŵp/clwb, mentoriaid, cymdogion neu ffrindiau ddarparu tystlythyrau cymeriad.
Ni chânt fod yn aelodau o'r teulu.
Beth os nad wyf erioed wedi gweithio o'r blaen?
Mae hynny'n iawn! Byddwn yn gofyn i chi feddwl am rai canolwyr cymeriad yr hoffech i ni gysylltu â nhw.
Nid ydych chi dan anfantais os mai hwn yw eich man gwaith cyntaf!
Hawl i weithio
Beth yw gwiriad Hawl i Weithio?
Mae gwiriad hawl i weithio yn broses gan y Swyddfa Gartref i sefydlu bod gan bob cyflogai neu weithiwr achlysurol yr hawl i weithio yn y DU cyn i chi ddechrau eich cyflogaeth.
Mae'n rhaid i bob cyflogwr gwblhau hwn fel sy'n ofynnol yn unol â chyfraith cyflogaeth.
Pa ddogfennau sydd eu hangen arnaf i gwblhau fy Hawl i Weithio?
Am restr lawn o ddogfennau a rhagor o wybodaeth am eich Hawl i Weithio ewch i wefan Llywodraeth y Deyrnas Unedig.
Rwy'n ddinesydd Prydeinig ond nid oes gennyf ID. Sut gallaf brofi fy Hawl i Weithio?
Am ffi fechan, gallwch wneud cais am gopi o'ch tystysgrif geni o'ch swyddfa gofrestru. Gallwch wneud hyn ar-lein, neu wyneb yn wyneb.
Fodd bynnag, os nad oes gennych unrhyw ddogfennau ac na allwn sefydlu eich hawl i weithio, yn anffodus ni fyddwn yn gallu bwrw ymlaen â’n cynnig cyflogaeth.
Nid wyf yn ddinesydd Prydeinig. Mae gen i'r Hawl i Weithio, sut alla i ddangos tystiolaeth o hyn?
Mae hyn yn dibynnu ar eich amgylchiadau.
Os oes gennych gais ar y gweill gyda'r Swyddfa Gartref, gallwn gwblhau gwiriad gyda'r Gwasanaeth Gwirio Cyflogwyr, sy'n ddilys am chwe mis.
Fodd bynnag, os nad oes gennych unrhyw ddogfennau ac na allwn sefydlu eich hawl i weithio, yn anffodus ni fyddwn yn gallu bwrw ymlaen â’n cynnig cyflogaeth.
Hyfforddiant a Chynefino
Beth fydd yn digwydd fel rhan o'm cyfnod cynefino?
Pan fyddwch yn ymuno â ni fyddwch yn cwblhau eich hyfforddiant sy'n cymryd 3 wythnos. Bydd hyn yn hirach os ydych chi'n gweithio'n rhan amser, er mwyn sicrhau bod pob cwrs hyfforddi yn cael ei fynychu.
Yna cewch eich rhoi mewn tŷ a dysgu'r swydd yn ymarferol.
Pryd fydd yr hyfforddiant yn dechrau?
Mae hyn yn dibynnu ar ba bryd y byddwn wedi cael gwiriadau cyn-cyflogaeth boddhaol yn ôl ar eich cyfer chi.
Gall hyn gael ei ohirio os na fydd tystlythyrau yn dod yn ôl yn gyflym neu os oes oedi gyda'r DBS.
Ydych chi'n hyfforddi'n fewnol?
Ydym. Bydd y rhan fwyaf o'r hyfforddiant yn cael ei gynnal gan Innovate Trust. Darperir rhai cyrsiau penodol yn allanol.
Gyrru eich cerbyd eich hun
A oes angen yswiriant busnes arnaf i yrru ar gyfer gwaith?
Oes, os ydych yn defnyddio eich cerbyd eich hun, bydd angen i ni weld copi o'ch polisi yswiriant i'w gofnodi er mwyn sicrhau eich bod yn gymwys i yrru.
Pa ddogfennau sydd angen i mi gael caniatâd i yrru ar gyfer gwaith?
Bydd angen i ni weld eich trwydded yrru a chwblhau gwiriad ar-lein am unrhyw bwyntiau neu droseddau gan ddefnyddio cod rhannu (a ddarperir gennych chi).
A allaf hawlio treuliau am ddefnyddio fy ngherbyd fy hun ar gyfer gwaith?
Gallwch, gallwch hawlio 45c am bob milltir a deithiwyd at ddibenion cysylltiedig â gwaith.
Oes angen i mi roi gwybod i chi os ydw i wedi ennill pwyntiau ychwanegol ar fy nhrwydded?
Oes, rhaid i chi roi gwybod i ni am unrhyw bwyntiau neu droseddau newydd cyn gynted â phosibl ar ôl iddyn nhw ddigwydd.
Mae hyn yn golygu y gallwn wneud penderfyniadau diogel ynghylch a ydych yn parhau i yrru ar gyfer gwaith.
Felly, am beth ydych
chi'n disgwyl?
Eisiau gwybod mwy?
Dewch i weld beth all gyrfa yn Innovate Trust ei gynnig i chi.
